chalipuli

చలిపులి...

ఇదిగో వచ్చేసింది...!! చలికాలం కోసం ఎంత ఎదురుచూస్తామో ఆ గ్రీష్ముడికే తెలుసు.
అలా న్యూస్ పేపర్ తిరగేస్తే తెలుస్తుంది.. అనంతపూర్ లో లిటెరసీ రేట్ పడిపోయినట్టు పడిపోతోంది టెంపరేచరు.

జన్ లోక్పాల్ బిల్, ప్రధాన మంత్రి పరదేశ పర్యటనలు, ఇవేవీ కనిపించకపోయినా చలిపులి column మాత్రం ఖచ్చితంగా కంట పడుతుంది.
అనుమానం పెనుభూతం అంటారు. చలిపులి column చూసిన ప్రత్తి సారీ ఓ అనుమానం వస్తుంది.. అసలు చలి "పులి" అని ఎందుకు సంబోధించాడా అని..
బహుశా, పులి చర్మానికి చారలు ఎలా అయితే ఉంటాయో, చలి వల్ల మన చర్మానికి కూడా చారలొస్తాయని కాబోలు..


అలా కాకుండా, కొరికేసేదే అయితే, ఏ చలి సిమ్హమో, చలి గ్రామసిమ్హమో అనేవారు కదా..!!

మొత్తానికి ఈ పులిని చూసి మనకి ఉన్న వాతలను చెరుపుకోడానికి, moisturizers లాంటివి వాడకపోతే, మనుషులు ఇంక మనుషులు కారు...!!
(గూగుల్ ఆడ్సెన్స్ ఉంటే, ఇక్కడ vaseline/lakme ఆడ్స్ వచ్చేవేమో... :P

అన్నట్టు moisturizer అంటే గుర్తొచ్చింది... వెధవది ఒక డబ్బా కొని రెండు మూడు సంవత్సరాలైనా అవలేదు, అప్పుడే ఇంకో చలి కాలం, ఇంకో సారి కొనాల్సొచ్చే అవసరం.. రెండూ వచ్చాయి...
ఛలో ఢిల్లీ...ఛలో హైదరాబాదు మొదలగు SFI వారి నినాదాలు చదువుకుంటూ, ఛలో సూపర్ మార్కెట్ అని మోర్ కి వెళ్ళాను..

మోర్ అని బిర్లాలు ఎం ఆలోచించి సార్ధక-నామకరణం చేసారో కానీ.. అలాంటి షాపుల్లో కొన్న 'most' వస్తువులు అనవసరమైనవే ఉంటాయి..!

షాప్ కి వెళ్ళే దారంతా ఎర్ర తివాచీ (red carpet) పరిచి ఉంటాయి...మోర్ వారి ఎరుపు రంగుpamphlets తో..
అమ్మో!! సరస్వతీ దేవి.. ప్చ్..ప్చ్ అని చెంపలు వాచిపోయేలా లెంపలు వేసుకుంటూ చిన్నప్పుడు ఆడిన ఆటలను గుర్తుచేసుకుంటూ, కాగితం లేని చోట అడుగు వేస్తూ, బ్యాలన్స్ తప్పకుండా చూసుకుంటూ, చున్నీ, జుట్టు సరి చేసుకుంటూ, గ్రీన్ పీస్ బ్యాగ్ చంకలో సర్దుకుంటూ, ఈశ్వర కటాక్షం చేత షాప్ లోపలికి అనుక్రమించాను.

కావలసిన ఒక వస్తువు తో పాటు అక్కరలేని పన్నెండు వస్తువులు కొందామని 'MORE' super market ని అలా ఒక రౌండ్ దృష్టి పారించాను.

అక్కడ వాడు డిస్ప్లే చేసిన అఫర్లకి కళ్ళు మిరిమిట్లు గొలిపాయి...
ముందుగా నాకు కావలసిన moisturizer ఉన్న క్రమం లోకి వెళ్ళాను.

"buy 2kg vaseline body lotion and get 5gm vaseline lip care absolutely free..!!"

ఆ ఆఫర్ చూసి, ఇలాంటి ఉచితావకాశం మళ్ళీ నా జన్మలో తిరిగి రాదు అని 2 కేజీ డబ్బాలు మూడు కొని, 15గ్రాం ల లిప్ కేర్ ని ఫ్రీ గా పొందవచ్చని సంతోషించాను...
ఆ సంతోషం తో నాకు కొత్త స్ఫూర్తి కలిగింది.. ఇంకా ఇంకా అదే.. మోర్ మోర్ ష్యాపింగ్ చెసెయ్యాలని ఏ ఒక్క క్రమమూ తప్పకుండా అక్కర్లేని వస్తువుల్లో కావలసినవి వెతుక్కుంటున్నాను...

కనీసం ఆఫర్లయినా పై ఆఫర్ లాంటివి ఉంటే కొనేయాలని క్రెడిట్ కార్డ్, చెక్ బుక్ చేత పట్టుకు తిరుగుతున్నాను...

అలా చూడగా, ఈ క్రింది ఆఫర్లు నన్ను ఎంతగానో ఆకట్టుకున్నాయి.

1. Buy 10kg Basmati rice for Just Rs.500/- only 499.00
(ఒక్క రూపాయి కోసం పది కేజీ ల బాస్మతి రైస్ కొనాలంటారా అధ్యక్షా??)
2. Buy 5 santoor soaps and get a pen worth Rs.5/- Free.
(ఎంత ఫ్రీ పెన్ అయినా, ఐదు సంతూర్ సబ్బులు కొనే D for ధైర్యం ఎవరికి ఉంటుంది??)
3. get 5/- off on 8 pc steel containers of worth rupees 800/-
(No comments)
4.Buy 5 tomato knorr soups and get 1 tomato knorr soup packet Free.
(ఈ మధ్య మనం చూసేవన్నీ న్యూక్లియర్ ఫ్యామిలీసే. వారికి ఐదేసి ప్యాకెట్లు అది కుడా కేవలం tomato soup దండుగ అనుకుంటే దానికి ఫ్రీగా ఇంకో tomato సూప్ ప్యాకెట్ ఆఫరే ఇచ్చి చచ్చాడు..హుహ్..)

ఇలాంటి అరుదుగా దొరికే ఆఫర్స్ లో దేన్ని పరిగణించాలో అర్థమవక ఉక్కిరిబిక్కిరి అయిపోయాను.

ఎలాగో వచ్చాను కదా అని, ఓ మూడు బిస్కెట్ ప్యాకెట్లు, రెండు రియల్ జ్యూస్ డబ్బాలు, చిన్న కిస్-మిస్ పళ్ళ ప్యాకెట్ ఒకటి, భలే ముద్దుగా (క్యూట్ గా) ఉందని ఒక పెన్ స్టాండు, ఖాలీగా ఉంచడమెందుకని దాంట్లోకి ఓ పెన్ను, ఒక ఇరేజరు, కాలుష్యం దాడికి భయపడి తాలీబన్ల లా తయారవడానికి ఒక స్కార్ఫు, మా వారు అసహ్యించుకుంటారని తెలిసి కూడా ఒక మంకీ క్యాప్, వేసుకోడానికి సాగదీస్తే చిరిగిపోయే లాంటి నాసిరకం సాక్స్ జత ఒకటి, రాబోయే వేసం కాలానికి ఒక షవర్-టు-షవర్ కొన్నాను.

కిలోమీటరు పొడుగు ఉన్న బిల్ కౌంటరు దగ్గర, sorry దూరంగా నిలబడి ఇటు పక్క ఉన్న ఒక orbit డబ్బా, అటు పక్క ఉన్న జాన్సన్ అండ్ జాన్సన్ ear buds ప్యాకెట్లు, ముందు వాడు బిల్ల్ చూసి, బెంబేలెత్తి, బైటపడేసిన 7'0 clock బ్లేడ్ ప్యాకెట్. వెరసి నా more షాపింగ్ పూర్తైంది అనిపించుకున్నాను...!!

ఒక్కొక్క సామాను బిల్లు పరుస్తూ, 2 మీటర్ల పొడుగు బిల్లు పేపర్ నా చేతిలో పెట్టి, అదే చెత్తో నా చేతిలో ఉన్న ఆ కార్డ్ ని తీసుకున్నాడు.

సంతోషంగా ఆ నాలుగు వేలూ బిల్ కట్టేసి, రైల్వే స్టేషన్ కూలీ లాగ, భుజానికో కవరు, మోచేతికో కవరు, నెత్తి మీద ఒక కవరు, ఇంకో భుజానికి, మోచేతికీ తగిలించుకోగా మిగిలిన రెండు కవర్లు, plus జారిపోయే చున్నీ, గాలికి రేగే జుట్టు సర్దుకుంటూ, మూడో చెయ్యి ఉంటే బగుండేది...ఈ హాండ్ బ్యాగ్ తగిలించుకోవచ్చు అనుకుంటూ. గెట్-సెట్-గో అని ఇంక నిష్క్రమించే టైం కి, సినిమా పెళ్ళిళ్ళలో ఆపండీ అన్నట్టు, నా మొబైల్ 'మ్రోగింది కళ్యాణ వీణా' అని వాయించింది.
ఎక్కడ నుంచి, ఎలా తియ్యాలో తెలియక, 'ఇప్పుడు నేను ఇంత అర్జెంట్ గా కాల్ ఆన్సర్ చెయ్యకపోతే సెన్సెక్స్ లో పాయింట్లు ఏమీ తగ్గిపోవులే' అని కుంటుకుంటూ, రెడ్ కార్పెట్ తొక్కకుండా దాటుకుంటూ ఇంటికి చేరాను...

మళ్ళీ కళ్యాణ వీణ మ్రోగింది... మా వారు.. :D
మోర్ లో ఇప్పుడేం షాపింగ్ చేసావే అని అడిగేసారు..
చలి కాలం కదా... moisturizer కొందామని వెళ్ళాను.. అమోఘమయిన ఆఫర్స్ చూసి, చిన్న షాపింగ్ చేసాను అన్నాను.

"తెలుసులే.. పెద్ద షాపింగే చెసావ్. మెసేజ్ వచ్చింది ICICI నుంచి" అన్నారు...
ఏదో అలా సామాన్లు సర్దుకుంటూ మట్లాడుకుంటూ చూసాను.
అయ్య నా మతి మండా... ఇంతకీ, moisturizer మర్చిపోయాను... మీరు వస్తూ వస్తూ, మోర్ లో 2kg డబ్బాలు 3 తెండి... 15gm లిప్ కేర్ ఫ్రీ..
టేక్కేర్. లవ్యూ అని చెప్పి కాల్ కట్ చేసా..

పులి రాజా కి ఎయిడ్స్ వస్తుందో లేదో తెలీదు.
పులిని చూసి నక్క వాతలు పెట్టుకుంటుందో లేదో కూడా తెలీదు కాని
చలిపులి ని చూసి ఇలా షాపింగ్ చేస్తే మాత్రం, నా చర్మం మీద పడ్డ చారల వలన గుండెపోటు వచ్చేలా ఉంది...!!

మీరేమంటారు??

-శిరి.